(احبه بس حبه متعبني)

أحبـه والكــــل يشهد بغـلاه
أحبـه ومنـه الله لا يحرمنـي
أعشـق فيه جمالـه يا محـلاه
ولون عيونــــه اللي تذوبنـي
يا ويلـي عليه لــو بس ألقـاه
يروح يومه كله وهو بحظنـي
لكن الزيــــــن ما يكمل حـلاه
حبه حلو لكنـــه حيل متعبنـي
يريدني طــــــول الوقت ويـاه
ما أتركـــــه ولا يريد يتركنـي
ما يـــريدني أتكلم الا معــــــاه
وبجنــون غيـرته صار يعذبني
ولو تأخــرت لحظة عـــن لقـاه
يــزعل ويقـــول ليــش تكرهني
المشكله انـــه يعرف غــــــــلاه
ويعرف انـــــــه بحبـه مجننـي
لو زعل أضيـــع في دنيـــــــاه
وأتمنـى لـــــو الأرض تبلعنـي
يا ويلي بس لــو اجاني جفـاه
أتعب والبعد حيــــل يضايقنـي
ما أقدر أتحمل لحظة فرقـــــاه
أتعب وأحس بضميري يأنبنـي
أحياناً أقـــول خــلاص أبنسـاه
واروح لـه واقولـه لا تكلمنـي
وأقـــول أحسن أعيش بليــــاه
ماأريده يتصل ولا يسأل عنـي
يمكن أرتاح مـــن حبه وبلـواه
يمكن البعد عنــه راح يريحنـي
ومــن أروح وأتقابــل معـــــــاه
ألقــى اللهفـــة فينــي تقتلنــــي
وأنســـى اللــي كنت أنــا أبغـاه
وألقــى كـــل أحـاسيسي تكذبني
وفجأه ألقى نفسي بيــن دفـــــاه
وأضــم صــدره لين ما يحرقنـي
وأتنفس من شفــاته ومن هـواه
وأقول لــه ما أريدك تبعد عنـي
وأنســى اني قلت أريـــد أنسـاه
وأتذكــر انــه بالحيــل واحشني
أحســـه مالكني بحبــه وغـــلاه
وبلــون عيـونه أحسه ساحرني
بروحـــي وحيـــاتي أنــا أفـــداه
فديت حبــه حتى لـــــو متعبني
ما أقــول غير بجنــون أهـــواه
وعــن حبـــــــه اللـه لايبعدنـي
:::::::::::::::::
:: منقـــــــــــــول ::
:::::::::::::::::